ЛАСИ- КЕФАЛОНИЈА

Lassi се наоѓа во непосредна близина на главниот град Argostoli. Ова опуштено место е идеална прилика за бег од динамичноста и галамата на секојдневниот живот. Популарните златни песоци на плажите “Makris Yialos” и “Platis Yialos”, се вистински рај за љубителите на пливањето и нуркањето. Близината пак на неколкуте поинтимни заливи, ги издвојува како совршени за оние кои едноставно сакаат само мек песок и сонце. Не така далеку од убавото крајбрежје, ќе најдете и добар избор на ресторани и барови, кои освен што ќе ве заштитат од сончевите зраци, ќе Ви понудат и добар провод. Изборот на ресторани се движи од традиционални грчки до класично италијански. Доколку почувствувате потреба да ги протегнете нозете, една кратка прошетка ќе ве одведе до локалното село, каде што ќе пронајдете мирис на цитрус и борови дрвја со кои изобилува зелениот пејзаж. Близната на градот Аргостоли е добитната комбинација, која секоја вечер ја претвара во незаборавен спомен од летниот одмор.

Вила Александра

Apartments Alexandra – e објект кој се наоѓа во долната зона на познатото туристичко место Ласи, блиску до најубавите плажи на островот Кефалонија. Поврзаноста со главната градска улица која минува низ местото, близината на градот (околу 2 км), ги доближува сите потребни содржини како што се услугите во грчките кафетерии, ресторани, продавници, маркети и останати објекти. Овие студија се лоцирани на прекрасен плац, со голема градина, кој дава можност за низа дополнителни активности за одмор, подалеку од сообраќајниот метеж. Изградени на високо приземје, со пространи тераси од објект ориентиран кон морето и кон запад, даваат можност за прекрасни мигови при вечерниот залез на сонцето. Сите студиа се двокреветни со мини кујна и тоалет, а користењето на клима уред е со доплата. Располагаат со сопствен паркинг.