Нидри- Лефкада

Лефкада е остров на Јонскиот Архипелаг, кој  се наоѓа јужно од Крф и североисточно од Кефалонија, а со континенталниот дел на Грција е поврзана со подвижен мост. Лефкада со причина ја нарекуваат островот на бојата: белата боја на карпите, школките и песокта по кои го добила и името;  сината боја на морето која може да се спореди со морињата во некои далечни егзотични дестинации; зеленилото на боровите,чемпресите,шаренилото на цвеќињата,маслиновите дрвја..

Големиот број на таверни, барови, ресторани ќе го направат Вашиот одмор уште попријатен. Најпознатите и најубави плажи на островот Порто Кацики, Егремни, Милос, Катисма…со својата убавина никој нема да го остави рамнодушен. Нидри е најголем и најпознат туристички град кој се наоѓа на југоисточниот дел на островот. Сместен е во залив опкружен со малите островчиња Мадури, Меганиси, Скорпио кои се сопственост на Оназис. Ова летовалиште изобилува со продавници, таверни, ресторани, кафулиња и има долга градска плажа. Покрај пристаништето во кое се закотвени бродовите кои крстарат околу островот и превезуваат капачи до другите островчиња, тука се наоѓа и марината за јахти која претставува совршено уточиште на многубројните наутичари и едриличари.

Вила Афродити

Студиа Афродити – Нидри Б кат – на самиот брег, 300 метри од плажа, во непосредна близина на центарот, многуте таверни и шеталиштето, уреден двор со зеленило и мала пицерија, рецепција, прикладни места за паркирање во близина. Студијата се опремени со мали кујни, тоалет, ТВ, клима ВКЛУЧЕНА во цена, тераси, чистење на апартманите на 3 дена. Студиата се со традиционален дизајн , со различна големина , некои се со поглед на море.

Вила Вула

Вила Вула – Нидри Б кат – се наоѓа во непосредна близина на центарот каде има многуте таверни и шеталиштето на 350 метри од плажа. Студиа Вула имаат уреден двор со  зеленило, игралиште за деца . Она што оваа вила ја прави посебна е прекрасниот базен уреден со лежалки и пул бар. Исто така вилата има и паркинг во близина. Студијата се  опремени со мали  кујни, тоалет, ТВ, клима со доплата 5 Еур/на ден . Сите студија се за 2 лица.

Катизма-Лефкада

КАТИЗМА – АГИОС НИКИТАС е идеално место за патниците кои сакаат да ја запознаат традиционалната Грција.Прекрасна долга и пространа плажа, која ве мами со самото прво видување: бела песок, тиркизно море, широк простор на кој има место за сите, за оние кои сакаат да се на уреден дел со лежалки чадори и музика, но и за оние кои сакаат да се на мирен дел каде  во мир ќе уживаат во престојот. Плажата е ориентирана западно, па сонцето заоѓа долго и убаво, што денот се продолќува се до 21 часот. Додека пак селцето Агиос Никитас оддалечено 2 км од плаќата  сместено е не ридче помеѓу маслинови и борови дрва и прекрасен поглед кон тиркизната вода на Јонското море. Местото плени со прекраасната традиционална грчка архитектура, камени улици и голем број на традиционални ресторани каде може да се вкуси најразлична вкусна храна

Вила ЈОНИО

Вила Јонио – Катизма  се наоѓа на оддалеченост 2км од Катизма и 1 км од Агиос Никитас, во идиличен дел на недопрена природа со широк двор со многу зеленило, прикладен паркинг за возила и место за заедничко дружење на гостите. Располага со 10 студија кои се со поглед кон заливот на Агиос Никитас, комплетно опремени со тоалет, кујна, ТВ и големи тераси. Вилата е идеална за патници кои се со сопствен превоз и сакаат да ја прошетаат Лефкада, а за патниците кои се со организиран превоз нудиме изнајмување на моторчиња или коли по одлични цени.

Вила Спирос

Студија Спирос Ц кат – Агиос Никитас се сместени во северозападната страна на островот Лефкада на 300 метри од магичната песочна плажа. Вилата располага со двокреветни и трокреветни студија опремени во традиционален стил: телевизор, клима ВКЛУЧЕНА ВО ЦЕНА , кујна, купатило и тераса . Сите студија излегуваат на поврзана тераса со делумен поглед на море. ЕКО студијата се наоѓаат на приземје и се со помала квадратура од стандардните студија, опремени стандардно со тоалет, клима, ТВ и кујна.. НАПОМЕНА: Студијата заради ограниченоста на просторот, се со типичен традиционален изглед, скромен квалитет и мала комфорност.

Лефкада – Никиана

Зошто ја одбравме за Вас Вила Порто Фино во местенцето Никиана на Лефкада?!
– одличен квалитет со 4 креветни студија идеални за фамилии
– приватна  плажа во непосредна близина  на само 20м без гужви и галама
– иделана позиција на островот со еднаква оддалеченост од Нидри и главниот град Лефкас
– прекрасен простран двор за одмор и забава покрај зидана скара која е на располагање на гостите
Никиана е мало рибарско место кое се наоѓа измеѓу главниот град Лефкас  и Нидри. Ова место има идеална местоположба за сите оние кои сакаат да го истражуваат прекрасниот остров, исто така близината на главниот град дава можност за шопинг и ноќни забави. Поради прекрасната околина богата со вегетација и преполна со маслинови дрва Никиана стана една од омилените дестинации на Лефкада за сите оние кои сакаат релаксација и ослободување од стрес. Во Никиана има три различни поголеми песочни плажи и неколку мали романтични плаж на кои можете да уживате под природни сенки, исто така местото има автобуска постојка која Ви дава можност да ги посетите преубавите плажи и градови на Лефкада со автобус. Во Никиана можете да уживате во таверни кои служат прекрасна морска храна, кафе барови и супермаркети распоредени на главната улица и покрај плажата.

Вила Порто Фино

VILA PORTO FINO – сe наоѓа на главниот пат одалечена само 30 тина метри од најблиската песочна плажа. Во близина на вилата има пекара, супермаркет и неколку таверни. Вилата располага со осум убаво опремени студија за 4 лица кои имаат 1 брачен кревет и 2 кревети на спрат. Сите студија се опремени со кујна, клима, телевизор и тераса со страничен поглед кон море, исто така вилата има и голем двор со тревна површина каде има скара и фурна кои гостите можат да ги користат.