ЛАСИ- КЕФАЛОНИЈА

Lassi се наоѓа во непосредна близина на главниот град Argostoli. Ова опуштено место е идеална прилика за бег од динамичноста и галамата на секојдневниот живот. Популарните златни песоци на плажите “Makris Yialos” и “Platis Yialos”, се вистински рај за љубителите на пливањето и нуркањето. Близината пак на неколкуте поинтимни заливи, ги издвојува како совршени за оние кои едноставно сакаат само мек песок и сонце. Не така далеку од убавото крајбрежје, ќе најдете и добар избор на ресторани и барови, кои освен што ќе ве заштитат од сончевите зраци, ќе Ви понудат и добар провод. Изборот на ресторани се движи од традиционални грчки до класично италијански. Доколку почувствувате потреба да ги протегнете нозете, една кратка прошетка ќе ве одведе до локалното село, каде што ќе пронајдете мирис на цитрус и борови дрвја со кои изобилува зелениот пејзаж. Близната на градот Аргостоли е добитната комбинација, која секоја вечер ја претвара во незаборавен спомен од летниот одмор.

Вила Тредис

Apartments Tredis Објектот се наоѓа на левата страна од главната улица во Ласи и е на оддалеченост од околу 300м од морето. Со својот голем плац, вилата е сосема блиску до претставништвото на агенцијата и до мноштвото други подавници, ресторани и кафетерии во Ласи. Освен со добрата опременост на единиците за сместување: студиата и апртманите, Тредис преку своите балкони на првиот кат, овозможува и прекрасен поглед кон морето. Патеката на движење кон морето и плажата, на околу 350м, минува покрај другиот плац на Тредис, каде како дополнителна можност за гостите е и понудата за капење во големиот базен и пијалок покрај блискиот пул-бар.